ഇരിങ്ങാലക്കുട : കലാ സാംസ്കാരിക പ്രവര്ത്തകനും സി.പി.ഐ നേതാവുമായിരുന്ന ടി.എന്.നമ്പൂതിരിയുടെ സ്മരണക്കായി മികച്ച കലാ പ്രവര്ത്തകന് നല്കാറുള്ള ടി.എന്.നമ്പൂതിരി സ്മാരക അവാര്ഡ് കലാനിലയം രാഘവന് . അവാര്ഡ് നിര്ണ്ണയ കമ്മിറ്റി അംഗങ്ങളായ കെ.വി.രാമനാഥന്, ഇ.ബാലഗംഗാധരന്, ടി.കെ.സുധീഷ് എന്നിവര് അറിയിച്ചതാണിത്. ഉണ്ണായി വാര്യര് സ്മാരക കലാനിലയത്തില് അധ്യാപകനായും പ്രിന്സിപ്പാളുമായി 34 വര്ഷം സേവനം അനുഷ്ടിച്ചിട്ടുള്ള രാഘവനാശാന് ഐ.എസ്.ആര്.ഒ ചെയര്മാന് കെ.രാധാകൃഷ്ണന്, തൃശൂര് മേയര് പ്രഫ. ബിന്ദു തുടങ്ങിയവരുടെ ഗുരുനാഥനാണ്. ജൂലൈ 18 ന് ടി.എന്.നമ്പൂതിരിയുടെ മുപ്പത്തിരണ്ടാം ചരമദിനത്തോടനുബന്ധിച്ച് നടക്കുന്ന സമ്മേളനത്തില് മന്ത്രി കെ.പി രാജേന്ദ്രന് അവാര്ഡ് സമ്മാനിക്കും.
No comments:
Post a Comment